تعلّم المهارة،
وطبّقها بإيدك.

المهندسة: شفاء ربابعه

خلال تجربتي بالعمل مع شركات ومنظمات مختلفة في مجالات البرمجة والتدريب، كنت أشوف نفس المشكلة تتكرر قدامي: طلاب بدرسوا سنوات، وبس يقربوا من سوق العمل بكتشفوا إنهم لسه مش عارفين من وين يبلشوا أو شو المهارات المطلوبة منهم فعلًا.

المشكلة ما كانت بقلة الدورات، بالعكس… الخيارات كثيرة، لكن أغلبها منفصلة عن بعضها وبدون مسار واضح، فبدل ما تقرّب الطالب من هدفه، أحيانًا بتزيد تشتته.

من هون بدأت فكرة مصنع التكنولوجيا. كان هدفي أبني مكان ما يعطي الطالب مجرد كورس جديد، بل يقدمله مسار واضح يبدأ من الأساس، ينتقل فيه للتطبيق والمشاريع، وينتهي وهو فاهم مجاله وأقرب فعلًا لسوق العمل.

بالنسبة إلي، نجاح التدريب مش بعدد الساعات أو المعلومات اللي أخذها الطالب… نجاحه الحقيقي إن الطالب يعرف شو خطوته الجاية ويكون قادر يبدأها بثقة.